तपाई पढ्दै हुनुहुन्छ मुख्य समाचakj

जारी छ सङ्घीयताविरोधी जनमार्च

काठमाडौँ । काठमाडौँमा पनि फागुन १७ देखि सङ्घीयताविरुद्धको जनमार्च सुरु भएको छ । काठमाडौँ जिल्लाका विभिन्न गाविसहरुमा पुग्ने गरी सोमबार कलङ्कीबाट मार्च अगाडि बढाइएको थियो । काठमाडौँ जनमार्च टोलीको नेतृत्व अखिल नेपाल जनजाति सम्मेलनका महासचिव रामबहादुर बुढाले गरिरहनुभएको छ । टोलीमा राजमो काठमाडौँका अध्यक्ष झविन्द्र बेलबासे अखिल छैटौँ का अध्यक्ष दुर्गा शर्मालगायत सहभागी रहनुभएको छ । टोली नेता रामबहादुर बुढाका अनुसार काठमाडौँमा चैत्र ४ गते जनमार्चको समापन गरिनेछ । ललितपुरमा जनमार्चको प्रचारात्मक कामको जिम्मेवारी टे्रय युनियन अन्टुक का महासचिव नारायण सापकोटाले र भक्तपुरमा राजमो केन्द्रीय सदस्य दुर्गा पौडेलले गर्नु हँुने राजमो बाग्मती क्षेत्रीय समितिले जनाएको छ । त्यस्तै सिन्धुपाल्चोकमा जनमार्च साचालनका लागि जनजाति सम्मेलनका अध्यक्ष निमबहादुर बुढा लाग्नुभएको बुझिएको छ ।
दाङबाट महेश रिजाल र शिवराज पन्थीले पठाउँनुभएको समाचारअनुसार जनमार्चको कार्यक्रमलाई दङ्गाली जनताले हर्षोल्लासका साथ ठाउँ-ठाउँमा स्वागत गरेका थिए । मार्च अगाडि बढिरहँदा फागुन ७ मा डुरुवा गाविसको गोठुवामा एमालेका लोकपि्रय नेता नारायणप्रसाद देवकोटाले एमाले परित्याग गरी राजमोमा प्रवेश गर्नुभएको छ । फागुन ५ गते घोराहीमा राजमोका केन्द्रीय उपाध्यक्ष रश्मीराज नेपालीले उद्घाटन गरेपछि अघि बढेको दाङको जनमार्च टोलीले १७ गतेसम्म सौडियारको लखुवार डुरुवाको भोजपुर डुरुवाको गोठुवा उरहरी टरीगाउँ हेकुलीको मौली धनौरी श्रीगाउँ पाचकुले पुरन्धाराको हापुरे हलवार विजौरी हापुर नारायणपुर लक्ष्मीपुर रामपुर सतबरिया बेला गढवा गङ्गा परस्पुर गोवडिया लालमटियाको भालुवाङ पुल्चोकलगायतका स्थानमा जनमार्चको कार्यक्रम सम्पन्न गरिसकेको छ । जनमार्चअन्तर्गत फागुन १७ गते टोलीले भालुवाङको पुल्चोकमा विशाल सभा सम्पन्न गरेको छ । सो सभालाई प्रमुख अतिथिको रुपमा अखिल नेपाल किसान सङ्घका अध्यक्ष गिरधारीलाल न्यौँपानेले सम्बोधन गर्नु भएको थियो । राजमो दाङका अध्यक्ष तथा अनेकिसङ्घका महासचिव भरत भण्डारीको नेतृत्वमा रहेको जनमार्च टोलीले विभिन्न स्थानमा गरेका सभाहरुमा राजमो तथा विभिन्न जनवर्गीय सङ्गठनका नेताहरु सुरेश थापा नारायण योगी हनुमान चौधरी ओमबहादुर केसी महेश रिजाल ओमबहादुर केसी कमला जिसी प्रेमनारायण आचार्य विनामणि आचार्य शशिराम बुढाथोकी सूर्य पौडेल धनप्रसाद पौडेल चन्द्र पुरी र टुकमान कंुवरलगायतलॆ सम्बोधन गर्नुभएको थियो । दाङमा मङ्गलबारसम्म टोलीले २८ गाविस र २ नगरपालिकामा कार्यक्रम सम्पन्न गरिसकेको छ । जनमार्च टोलीमा १०० जना स्थायीरुपमा हिडिरहेका छन् भने बीच-बीचमा थप सयौँ सहभागी हँुने गरेका छन् । दाङमा जनमार्चको समापन फागुन २० गते लमहीमा गरिदैछ ।
स्याङजामा जनमार्च टोलीले फागुन ५ देखि १८ सम्मका पुतलीबजार नगरपालिका पौयगौडे कोल्मा बाहकोट ओरस्टे अर्जुनचौपारी ढापुक सिमल भाज्याङ सोरेक कालीकोट पिढीखोला श्रीकृष्ण गण्डकी जगत्रदेवी पेलाकोट निवुवाखर्क पकवादी तिनदोबाटे र वालिङ नगरपालिकालगायतका ४० गाविसहरुमा सम्पन्न गरिसकेको स्याङजाबाट प्रकाश परियारले बताउँनुभयो । परिवारका अनुसार जनमार्च अन्तर्गत टोलीले कोणसभा पर्चा वितरण भेटघाट अन्तकिर््रया र वालपेन्टिङलगायतका कार्यक्रमहरु गरिरहेको छ । स्याङ्जामा जनमार्च टोलीमा राजमोका नेताहरु राजेन्द्र गैरे इन्द्रलाल शर्मा प्रकाश परियार हीरामति शाही कृष्णराज पौडेल लालबहादुर राना धनबहादुर विक र मोहन सारुलगायत सहभागी रहनुभएको छ ।
नवलपरासीबाट रेम रानाले दिनु भएको जानकारीअनुसार १२ फागुनदेखि जनमार्च टोलीले कावासोतीको लक्ष्मीनगर प्रगतिनगर दलदले रजहर १६ नम्बर अमरापुरी बुद्धचोक हर्कपुर बेल्डिया गैडाकोटका कालिकाचोक र भृकुटीचोकसम्म कार्यक्रम सम्पन्न गरिसकेको छ । नवलपरासीमा १४ फागुनदेखि मार्च कार्यक्रम स्थगित गरिएको छ । अखिल नेपाल जनवादी युवा सङ्घको पाँचौँ राष्ट्रिय सम्मेलनलाई मध्यनजर राख्दै जनमार्च स्थगित गरिएको रानाले बताउँनुभयो । नवलपरासीमा भएका जनमार्चका कार्यक्रमअन्तर्गतका सभाहरुमा राजमो तथा विभिन्न जनवर्गीय सङ्गठनका नेताहरु उत्तम खरेल दीपक पाण्डे चन्द्र सापकोटा रेम राना र कृष्ण सापकोटालगायतले सम्बोधन गर्नुभएको थियो ।
अर्घाखाँची राजमो कार्यालयबाट शकुन्तला रानाले दिनुभएको जानकारीअनुसार जनमार्च टोलीले ११ फागुनमा खिदिमको दुर्गाफाँटमा १२ गते जुकेनामा १३ गते खिल्जीमा सोही दिन साँझ ढाकावाङको राजीमेमा १४ गते ढाकावाङको पिपलनेटामा १५ गते हंशपुरको रतनमारेमा १६ गते भगवतीको तारुभटेरामा १७ गते खनदहमामा र १८ गते डिर्भनामा कार्यक्रम सम्पन्न गरेको छ । ती स्थानमा भएका सभाहरुलाई राजमो जनवादी युवा सङ्घ अनेमसङ्घ अनेकिसङ्घ रक्तिम सांस्कृतिक अभियान अखिल छैटौँ जातीय समता समाज टे्रड युनियन अन्टुक र शिक्षक प्रतिनिधिलगायतका सङ्गठनका नेताहरु शेरबहादुर विसी गिरधारीलाल न्यौँपाने सागर केसी झवि थापा कमल खनाल शकुन्तला राना थम्मन केसी जीवन पुन राम बसु भानु थापा पशुपति ढकाल गोपाल पौडेल कुलराज खनाल रामलाल घिमिरे देवी भूषाल सूर्य केसी सुमन्त पौडेल तुलाराज खनाल हुमप्रसाद भूषाल रामबहादुर नेपाली चेतनारायण गैरे कुलराज खनाल दलबहादुर केसी तुल्सी बेलबासे द्रोण भण्डारी हिमलाल बन्जाडे सुरज पौडेल इन्द्रमणि पौडेल जीतबहादुर थापा ठाकुर भुसाल मेघनाराज खनाल लेखराज खनाल बुद्धि थापा माधव खनाल जीवनारायण खनाल गोमा बन्जाडे जङ्गबहादुर थापा रामकृष्ण घिमिरे दिलबहादुर केसी हरि न्यौँपाने युद्धबहादुर जिसी भविश्वर बन्जाडे नेत्र गैरे शशिधर विक झविन्द्र खड्का हरि नेपाली कृष्ण सुनार राजेन्द्र आचार्य सिद्धि भट्टराई प्रेम खड्का दीपक नेपाली सुरज बस्नेत बाबुराम आचार्य बसन्त थापा प्रतिभा बन्जाडे हुमा भुसाल इन्दिरा पन्थीलगायतले सम्बोधन गर्नुभएको थियो । अर्घाखाँचीमा १९ गते जनमार्चको कार्यक्रम ढिकुरामा हँुनेछ भने २० गते सदरमुकाम सन्धिखर्कमा बृहत् अन्तकिर््रया गरी जनमार्चको समापन गरिने कार्यक्रम रहेको छ ।
बाग्लुङबाट भीमसेन वनले दिनुभएको जानकारीअनुसार त्यहाँ पनि जनमार्च सफलतापूर्वक अगाडि बढिरहेको छ । जिल्लालाई आठ भागमा विभाजन गरी चलाइएको जनमार्च जिल्लाका ५९ गाविस र एक नगरपालिकाका सबै टोलमा पुगेको थियो । फाल्गुन ७ गते आठ स्थानबाट एकै साथ उद्घाटन भई जनमार्च अगाडि बढेको थियो । फाल्गुन ७ गते भीमगिठेमा नारायणस्थान भकुण्डे हिल बाग्लुङ बजार बोवाङ र सुखौरामा† फाल्गुन ८ गते ताराखोलाको करमिला सल्यान अधिकारीचौर मूलपानी रातामाटा पैयूपाटा दर्लिङ र तित्याङमा† फाल्गुन ९ गते अर्गल अमलचौर र बाटाकाचौरमा† फाल्गुन १० गते राजकुटको जनता निमावि अमरभुमि मसा्रङदीखोला रायडाँडा रेश र हुग्दीसिरमा† फाल्गुन ११गते धुल्लुवास्कोट देविस्थान हरिचौर कुश्मीसेरा र लेखानीमा† फाल्गुन १२ गते राङखानी बिनामारे हटिया र विहुँमा कार्यक्रम सम्पन्न भएको थियो । फाल्गुन १३ गते पैयुथन्थाप अर्जेवा र पालामा सभामा कृष्ण पौडेलको साचालन मनबहादुर थापाको अध्यक्षता र लालबहादुर थापाको स्वागतमा भएको थियो । जसमा टोली प्रमुख राजेन्द्र ढुङ्गाना गुणनिधि शर्मा इन्द्रबहादुर थापा र विष्णु विकले मन्तव्य राख्नुभएको थियो । त्यस्तै अर्जेवामा भएको सभामा लोकनाथ शर्मा र डिलबहादुर श्रीसले मन्तव्य राख्नुभयो । पालामा सम्पन्न सभामा अर्जुन केसीले सम्वोधन गर्नुभयो ।
फाल्गुन १४ गते बागलुङ नगरपालिकाअन्तर्गतको लहरेपिपल लङगाउँ र कुडुले निसी र जैदीमा र फाल्गुन १५ गते दुदिलाभाटी सर्कुवा र धम्जामा सम्पन्न भयो । यसैगरी फाल्गुन १६ गते बोहरागाउँमा भएकॊ सभामा प्रमुख अतिथि महिला सङ्घ अध्यक्ष तथा सभासद् मीना पुन रहनुभएको थियो । सोही दिन तङ्ग्राम र काँडेबासमा पनि सभाहरु सम्पन्न भएका थिए । फाल्गुन १७ गते जनमार्चअन्तर्गत मल्मको गल्याङमा सभा सम्पन्न भएको छ । बाग्लुङमा साचालित जनमार्च टोलीले विभिन्न ठाउँमा गरेका सभाहरुलाई कृष्ण थापा अमर थापा राजेन्द्र ढुङ्गाना भरत पौडेल भीमसेन वन कुलबहादुर थापा लोकनाथ शर्मा तेजेन्द्र क्षेत्री गौरीश्वर पाण्डे वेदीलाल सापकोटा गुणनिधि शर्मा खिमविक्रम शाहीलगायतका नेताहरुले सम्बोधन गर्नुभएको थियो ।
जनमार्च अभियान पाल्पामा पनि फागुन आठ गते पूर्वी पाल्पाको रामपुरमा एक कार्यक्रमका बीच उद्घाटन गरी गेझा खालीवन सिलुवा बिरकोट दर्छा गाडाङ्कोट वाकामल सहलकोट झिरुवास गल्धा मित्याल अर्चले ज्यामिरे बहादुरपुर रहबास जल्पा झडेवालगायतका अधिकांश गाविसहरुमा साचालन भइरहेको छ । अभियानलाई राजमो पाल्पाका अध्यक्ष सोमकुमार कार्की सचिव बिशाल दर्लामी अखिल छैटौँ का पाल्पा अध्यक्ष तिलक गाह सचिव रेश्ाम कँडेल सहसचिव निश्चल क्षेत्रीलगायतले नेत्तृत्व गर्नुभएको छ । अभियानमा राजमो पाल्पाका दर्जनौ कार्यकर्ता मार्च गरिरहेका छन् । २० गतेसम्म चल्ने अभियान जिल्लाका सबैजसो गाविसमा पुग्नेछ । अभियानकै सिलसिलामा गाउँ-गाउँमा घरदैलो भित्तेलेखन कोणसभाहरु भइरहेका छन ।
त्यसैगरी कैलालीमा जनमार्च अगाडि बढिरहँदा नेपाली काङ्ग्रेस र एमालेलगायतका पार्टी परित्याग गरी दर्जनौँ कार्यकर्ताहरु राजमोमा प्रवेश गरेको कैलालीबाट लक्षीराम आचार्यले बताउँनुभएको छ । राजमोमा प्रवेश गर्नेहरुमा नेपाली काङ्ग्रेसबाट मानबहादुर नेपाली टिका सापकोटा गोरखबहादुर फौदार कर्णबहादुर धामी पेकबहादुर धामी र केवलिसंह साउथलगायत दर्जनौँ रहनुभएको छ । त्यस्तै नेकपा एमाले परित्याग गरी दुर्गादत्त रिजाल ओमप्रसाद कँडेल लोकराज कँडेल र शेरबहादुर बोगटीलगायत दर्जनौँ राजमो प्रवेश गर्नुभएको छ । कैलालीको चौमालामा फागुन १८ गते जनमार्च टोलीले गरेको सभामा उहाँहरु राजमो प्रवेश गर्नुभएको थियो । राजमोका केन्द्रीय सचिवालय सदस्य नन्दराज भट्टको प्रमुख आतिथ्यतामा सम्पन्न त्यहाँको सभामा राजमो कैलालीका अध्यक्ष तिलक परियार नेकपा मसाल का क्षेत्रीय प्रवक्ता आरसि भट्ट अखिल छैटौँ का केन्द्रीय उपाध्यक्ष लक्षीराम आचार्य खगेन्द्र बुढा खडक राना र निर्मल वमलगायतले सम्बोधन गर्नुभएको थियो । सभा मनिराम धामीको सभापतित्व र सुरेन्द्र ताडीको साचालनमा सम्पन्न भएको थियो ।
गुल्मीमा फागुन १३ गते मझुङको सिमलटारीमा १६ गते पूर्कोट दहमा १७ गते धुर्कोटको बस्तुमा जनमार्चको कार्यक्रम सम्पन्न भएको छ । जनमार्च अन्तर्गत खज्र्याङ गाविसको वडा नं। ९ मा रनबहादुरको अध्यक्षतामा १३ सदस्यीय र हर्दीनेटामा विनबहादुर रेश्मीको अध्यक्षतामा ११ सदस्यीय राजमोका वडा समितिहरु गठन गरिएका छन् । जनमार्चअन्तर्गत भएका सभाहरुमा जीवन राना बुद्ध सुनार कृष्ण गिरी तारा कुंवर प्रेम अर्याल कमल अर्याल योगेन्द्र काउचालगायतका नेताहरुले सम्बोधन गर्नुभएको थियो ।

महामन्त्री िसंह भेटघाटमा

काठमाडौँ । नेकपा मसाल का महामन्त्री मोहनविक्रम िसंह र राजमो अध्यक्ष चित्रबहादुर केसी तथा विद्यार्थी सङ्गठनहरुका वर्तमान तथा पूर्व नेताहरुका बीचमा भेटघाट तथा अन्तकिर््रया कार्यक्रम सम्पन्न भएको छ । अखिल छैटौँ को आयोजनामा मङ्गलबार काठमाडौँमा सो कार्यक्रम सम्पन्न भएको हो ।
भेटघाट तथा अन्तकिर््रयामा बोल्दै महामन्त्री िसंहले नेपालको प्रजातान्त्रिक तथा जनतान्त्रिक सङ्घर्षहरुमा विद्यार्थी वर्गले खेलेको भुमिकाको प्रशंसा गर्दै परिवर्तनका संवाहक विद्यार्थीहरु अब राष्ट्रिय अखण्डताको रक्षाको लडाईमा लाग्नु पर्ने बताउँनुभयो । मुलुक सङ्घीय प्रणालीमा गएमा देशको राष्ट्रिय अखण्डता खण्डित हुन सक्ने बताउँदै महामन्त्री िसंहले सङ्घीयताविरोधी अभियानमा जुट्न पनि विद्यार्थी नेताहरुसँग आह्वान गर्नुभएको थियो । भेटघाट तथा अन्तकिर््रयामा बोल्दै राजमो अध्यक्ष चित्रबहादुर केसीले निर्धारित मिति ०६७ जेठ १४ मै नयाँ संविधान जारी गर्नका लागि दलहरुलाई दबाब दिन विद्यार्थीहरु सँग आह्वान गर्नुभएको थियो ।
सहभागी विद्यार्थी नेताहरुले राष्ट्रिय अखण्डताको पक्षमा नेकपा मसाल र राष्ट्रिय जनमोर्चाले चलाएको अभियानको खुलेर प्रशंसा गरेका थिए । अन्तकिर््रयामा जातीय सङ्घीयतामा गए मुलुकमा जातीय द्वन्द्व बढ्ने हुँदा त्यसलाई दृढतापूर्वक अस्वीकार गर्नुपर्नेमा सबैको मतैक्यता रहेको थियो । छलफल ँनयाँ संविधान र राज्यको पुनस्रंरचना’ विषयमा केन्द्रित रहेको थियो ।
भेटघाट तथा अन्तकिर््रया कार्यक्रममा विद्यार्थी नेताहरु अखिल छैटौँ का पूर्व अध्यक्ष हिमलाल पुरी र कृष्ण अधिकारी अनेरास्ववियुका अध्यक्ष ठाकुर गैरे तथा वर्तमान अध्यक्ष रामकुमारी झाँक्री र महासचिव माधव ढुङ्गेल नेपाल विद्यार्थी सङ्घका पूर्व अध्यक्ष गुरु घिमिरे तथा वर्तमान अध्यक्ष प्रदिप पौडेल र पूर्व विद्यार्थी नेताहरु चन्द्र भण्डारी लक्ष्मी पाण्डे र किरण पौडेल नेपाल क्रान्तिकारी विद्यार्थी सङ्घका पूर्व अध्यक्ष नारायण कोजु अनेरास्ववियु पाँचौँका पूर्व अध्यक्ष ओम अर्याल तथा वर्तमान अध्यक्ष भास्कर काफ्ले र नेपाल राष्ट्रिय विद्यार्थी फेडरेसनका अध्यक्ष पदम जोशीलगायत सहभागी रहनुभएको थियो । अन्तकिर््रया कार्यक्रमको साचालन अखिल छैटौँ का अध्यक्ष दुर्गा शर्माले गर्नुभएको थियो ।

जनवादी युवा सङ्घको सम्मेलन तयारी पूरा

बुटवल । चार दिनपछि बुटवलमा सुरु हँुने अखिल नेपाल जनवादी युवा सङ्घको पाँचौँ राष्ट्रिय सम्मेलनको तयारी पूरा भएको सो सङ्गठनले जनाएको छ । सम्मेलनको मिति नजिकिदै जाँदा बुटवलमा युवा सङ्घको चहलपहल पनि बढ्दै गएको छ । यतिखेर बुटवल युवामय भएको छ । जनवादी युवा सङ्घका नाराहरुले जताततै भित्ताहरु रङ्गिएका छन् पोष्टरहरु टाँसिएका छन र सम्मेलनको प्रचार गर्दै तुल व्यानरहरु झुण्डाइएका छन् । ठाउँ-ठाउँमा स्वागत द्वारहरु पनि बनाइएका छन् ।
सम्मेलनको फागुन २३ गते बुटवल बहुमुखी क्याम्पसको प्राङ्गणमा राष्ट्रिय जनमोर्चाका अध्यक्ष तथा सभासद् चित्रबहादुर केसीले उद्घाटन गर्नु हँुनेछ । जनवादी युवा सङ्घका अध्यक्ष काशीनाथ पोख्रेलले दिनुभएको जानकारीअनुसार सम्मेलनलाई राष्ट्रिय जनमोर्चाका महासचिव डिलाराम आचार्य रक्तिम सांस्कृतिक अभियानका अध्यक्ष तथा प्रसिद्ध जनगायक जीवन शर्मालगायत स्वदेश र प्रवासका गरी दर्जनौँ भाइचारा सङ्गठनहरुका प्रतिनिधिहरुले पनि सम्मेलनलाई सम्बोधन तथा सफलताको शुभकामना दिनेछन् ।
सम्मेलन उद्घाटन पूर्व देशभरीबाट आएका हजारौँ युवाहरुले एउटै डे्रसमा मार्चपाससहित जुलुश प्रदर्शन गर्नेछन् । जुलुसमा नेपालका विभिन्न संस्कृतिमा आधारित झाँकीहरु पनि प्रदर्शन गरिने कार्यक्रम रहेको युवा सङ्घले जनाएको छ । उद्घाटन सत्रमा रक्तिम सांस्कृतिक अभियानको केन्द्रीय टोलीले पनि आफ्नो सांस्कृतिक प्रस्तुति दिनेछ । पाँचौँ राष्ट्रिय सम्मेलनकै अवसरमा युवा सङ्घले रक्तदान तथा वतृत्वकला प्रतियोगिता पनि राखेको छ । २३ गते उद्घाटन सत्र समापन भएपछि हाटबजारस्थित कान्ती माविमा सम्मेलनको बन्द सत्र सुरु हँुनेछ । बन्दसत्रमा विभिन्न जिल्लाहरुबाट चुनिएर आएका झण्डै सात सय प्रतिनिधि पर्यवेक्षकहरुले भाग लिनेछ । सम्मेलनको समापन २५ फागुनमा हँुनेछ ।
सम्मेलनको प्रचार प्रसारका लागि युवा सङ्घले केन्द्रीयस्तरबाट नै एक टोली महिनादिन अघिदेखि बुटवल क्षेत्रमा परिचालित गरिरहेको छ । टोलीले पोष्टरीङ वालपेन्टिङ पर्चा वितरण र आर्थिक सङ्कलनलगायतका कामहरु गरिरहेको छ । सम्मेलनमा आउँने अतिथि प्रतिनिधि पर्यवेक्षक र दर्शकहरुको स्वागतार्थ औद्योगिक क्षेत्र र पुष्पलाल पार्कमा दुईवटा स्वागत द्वारहरु पनि निर्माण गरिएका छन् ।
युवा सङ्घले यस सम्मेलनमा समयमै जनपक्षीय संविधान निर्माण र सङ्घीयता खारेजीको मुद्दालाई विशेष प्राथमिकताका साथ उठाएको छ । सम्मेलनको मूल नारा नै युवा सङ्घले ूअग्रगामी संविधान निर्माण र आमूल परिवर्तनका लाग व्यापक युवा शक्तिको परिचालन गणतन्त्रको सुदृढीकरण राष्ट्रियताको रक्षा र सङ्घीयताका विरुद्ध पाँचौँ राष्ट्रिय सम्मेलनू तय गरेको छ ।
नेपालको जनतान्त्रिक र वामपन्थी आन्दोलनमा विशेष भुमिका खेल्दै आएको अखिल नेपाल जनवादी युवा सङ्घको यस सम्मेलनलाई राजनैतिक वृत्तमा निकै चासोपूर्वक हेरिएको छ । उग्रवामपन्थी र दक्षिणपन्थी भड्कावका विरुद्धमा सम्झौताहीन सङ्घर्ष गर्दै क्रान्तिकारी राजनैतिक विचारको पक्षमा दृढतापूर्वक उभिदै आएको जनवादी युवा सङ्घले यस सम्मेलनपश्चात् अझै सशक्त कार्यक्रम ल्याउँने अपेक्षा राखिएको छ ।

संविधानसभाभित्राका समितिहरूमा नै मनमुटाव

काठमाडौँ । संविधानसभा अन्तर्गतका दुईवटा समिजिहरूका बीचमा नै मनमुटाव उत्पन्न भएको छ । यो मनमुटाव जनताका बीचमा सुझाव सङ्कलन गर्न जाने सवालमा देखा परेको छ । संविधानसभाका नागरिक सम्बन्ध समिति र जनमत सङ्कलन समिति दुवैले अहिलेसम्म संविधान निर्माणको कार्यप्रगतिबारे जानकारी गराउन र स्थानीय संयन्त्र निर्माण गर्नका लागि तत्कालै जिल्लामा जाने योजना बनाएका थिए । नागरिक सम्बन्ध समितिले यही मङ्गलबार मार्च 2 गतेदेखि जिल्ला भ्रमणको योजना बनाएको थियो भने जनमत सङ्कलन समितिले जिल्लामा जानका लागि 20 वटा टोलीहरू निर्माण गरेको थियो । कार्यक्षेत्रको बीचमा मनमुटाव उत्पन्न भएपछि यी दुै टोली आ–आफ्नैप्रकारले जिल्लामा जाने योजना बनाएका थिए ।
यसैबीच संविधानसभाका अध्यक्ष सुभाश नेम्वाङले आगामी फागुन 21 गते (मार्च 5) भन्दा अगाडि दुवै समितिहरूलाई जिल्लामा नजान निर्देषन दिएका छन् । संवैधानिक समितिलाई कार्यसुचि दिन संविधानसभाको पूर्ण बैठक बस्नुपर्ने र कार्यतालिकामा समेत परिमार्जन हुन सक्ने सङ्केत दिदै अध्यक्ष नेम्वाङले उक्त निर्देषन दिएका हुन् । त्यसका साथै उपयु‍र्क्त दुई समितिका बचमा मनमुटाव भएकाले पनि अर्को निर्णय नहुँदासम्मका लागि जिल्ला भ्रमणको कार्यक्रममा रोक लगाइएको बताइँदैछ । यी दुवै समितिहरूबीच को पहिला जिल्लामा जाने भन्ने विशयमा पनि हानथाप भएको स्थितिमा अध्यक्ष नेम्वाङको यो निर्देषनले केही छिनका लागि भएपनि मनमुटाव थापिएको बताइन्छ । अब नागरिक सम्बन्ध समिति फागुन 21 गतेपछि अध्यक्ष नेम्वाङसित छलफल गरेरमात्र जिल्लामा जाने जानकारी सो समितिका अध्यक्ष मीना पाण्डेले दिएकी छिन् ।
सभासद्हरूको उपयु‍र्क्त टोलीको काम संविधानसभाको पहिलो चरणको मस्यौदाका बारेमा जनमत सङ्कलन गनु‍र्, त्यसका लागि स्थानीय संयन्त्र बनाउँनु र अहिलेसम्म भएको संविधान निर्माणको प्रगतिबारे जानकारी दिनु रहेको बताइन्छ । यसभन्दा पहिले सुझाव सङ्कलन गर्दा स्थानीय संयन्त्र नहुदा समस्या उत्पन्न भएकाले अब त्यसका लागि यसप्रकारको संयन्त्र बनाउँने बताइँदैछ । यता पर्यवेक्षकहरू भने आषङ्का व्यक्त गर्दछन् कि यो स्थानीय संयन्त्र सङ्घीयताविरोधी जनमतलाई अभिव्यक्त हुनबाट रोक्नका लागि तयार गरिने सरकारी प्रयास त होइन ?
स्मरण रहोस्, संविधानसभाले बनाएको कार्यतालिकानुसार 15 संविधान निर्माझाका लागि 15 चरण तयार गरिएको थियो । अहिलेसम्म 9 चरणको काम बाँकी छ भने 6 चरणको काम अगाडि बढेको छ । त्यसमध्ये छैटौँ चरणको काम अझै पूरा भएको छैन ।

सुरक्षा व्यवस्थामाथि प्रष्नचिन्ह
सन्चार उद्यमी सिङ्घानियाको हत्या

जनकपुर । देषमा सुरक्षाको अवस्था दिन–प्रतिदिन फितलो भएको प्रश्ट हुँदैछ । केही दिनअगाडि राजधानीमा उपराश्ट्रपतिको सपथ ग्रहणकै दिन नारायणहिटी दरवारछेउको लाजिम्पाटमा सन्चार उद्यमी जमिम षाहको हत्या भएको थियो । अब अर्का सन्चार उद्यमी जनकपुरस्थित रेडियो टुडे र दैनिक पत्रिका जनकपुर टुडेका प्रकाषक 50 वर्शीय अरुण सिङ्घानियाको हत्या भएको छ । स्थानीय प्रषासनले होलीको अवसरमा सुरक्षा व्यवस्था कडा पारेको दावी गरेकै बेला सोमबार, मार्च 1 को साँझ अज्ञात बन्दुकधारीहरूले सिङ्घानियाको हत्या गरेका छन् । जनकपुरको केन्द्र मानिने षिवपुर चौकमा उनको हत्या भएको छ । दुईवटा मोटरसाइकिलमा आएका चार जना हतियारधारी समुहले होली मनाई फर्किरहेका सिङ्घानियामाथि साँझ 6 बजेतिर गोली प्रहर गरेका थिए । गोली उनको निधारसहित टाउकोमा लागेको थियो । तत्कालै स्थानीय केयर मेडिकल नर्सिङ होममा पुयाउन नपाउँदै उनको मृत्यु भएको थियो । हत्यापछि हतियारधारीहरू पूर्वतिर भागेका थिए । स्मरण रहोस्, सोही रेडियोका पत्रकार उमासिंहको एक वर्शअघि धारिलो हतियारद्वारा हत्या भएको थियो ।
सिङ्घानियाको हत्याले जनकपुर आतङ्कित छ । यता नेपाल पत्रकार महासङ्घ, धनुशाले सिङ्घानियाको हत्याले सन्चार जगत स्तब्ध भएको बताउँदै दोशीमाथि यथाषीघ्र कारवाहीको माग गरेको छ । घटनापछि रेडियो टुडेले आफ्ना नियमित कार्यक्रम बन्द गरेर षोक धुन बजाइरहेको छ भने केयर मेडिकल नर्सिङ होमनजिक रहेका प्रहरीहरूमाथि व्यापारीहरूले ढुङ्गा–मुढा बर्साएका छन् । घटनापछि जनकपुर नगरलाई नाकाबन्दी गरिएको प्रहरी प्रषासनले जनाएको छ ।
यता तराईका सषस्त्र समुहरूले सिङ्घानियाको हत्याको जिम्मेवारी लिन तछाडमछाड गरिरहेको थाहा भएको छ । नेपाल पत्रकार महासङ्घको धनुशा र महोत्तरी षाको बैठक बसिरहेको बेला यसप्रकारको सुचना आएको महासङ्घसित सम्बद्ध पत्रकारहरूले बताएका छन् । मधेष आन्दोलनलाई बदनाम गरेको आरोप लगाउँदै सषस्त्र समुहहरूले रेडियो टुडेका सम्पादकलाई पनि हत्याको धम्की दिएका छन् ।
यसैबीच गृहमन्त्री भीम रावलले मङ्गलवार संविधानसभाको राज्य व्यवस्था समितिको बैठकमा नाकाबन्दी गरेर हत्याराको खोजी भैरहेको जानकारी दिएका छन् भने प्रधानमन्त्री माधव नेपालले हत्याराको खोजी गर्न सरकार क्रियाषील रहेको बताएका छन् ।

सीताराम येचुरीको नेपाल भ्रमण सम्पन्न

काठमाडौँ । माक्र्सवादी कम्युनिश्ट पार्टीका पोलिटब्यूरो सदस्य तथा पार्टीका अन्तर्राश्ट्रिय मामिलाका प्रमुख सीताराम येचुरीले आइतबार, फेबु्रअरी 28 देखिको तीन दिने नेपाल भ्रमण सम्पन्न गरेका छन् । उनले आफ्नो भ्रमणलाई राजनीतिक भएको बताएपनि आफूले भारतको कुनै आदेष वा सुझाव लिएर नआएको प्रश्ट पारेका छन् । उनले भनेका छन्, ‘म षान्ति प्रक्रियाप्रति एक्यवद्धता जनाउन आएको हुँ ।’ उनले अगाडि भने, ‘संविधान कहिले बनाउँने र कस्तो बनाउँने ? त्यो नेपालीहरूकै हातमा छ ।’ उनले भारत निर्धारित समयमा नै संविधान लेखन कार्य पूरा भएको हेर्न चाहेको बताए । त्यस क्रमले उनले राजनीतिक गतिरोधको अन्त्य हुँनुपर्ने बताउँदै राश्ट्रिय सरकारको गठन तत्कालको मुद्दा बनाउन नहुँने सुझाव दिए । उनले थपे, ‘सेना समायोजन र संविधान लेखन दुवै जेश्ठ 14 गतेभित्र नै हुँनुपर्दछ ।’ भ्रमणको अन्तिम दिन मङ्गलवार संवाददाताहरूसित कुराकानी गदै‍र् उनले उपयु‍र्क्त अभिव्यक्ति दिएका हुन् ।
आइतवार साँझ काठमाडौँ पुगेका येचुरी तीन दिनको भ्रमणमा राश्ट्रपति डा. रामवरण यादव, प्रधानमन्त्री माधव नेपाल, एकीकृत माओवादीका अध्यक्ष पुश्पकमल दाहाल ‘प्रचण्ड’, नेपाली काङ्गे्रसका सभापति गिरिजाप्रसाद कोइराला, एमाले अध्यक्ष झलनाथ खनाललगायतका राजनीतिक नेतृत्व र राश्ट्र सङ्घीय मिसन अनमिनका प्रमुखसित पनि भेटघाट गरेका छन् ।
यसैबीच, एकीकृत माओवादीका उपाध्यक्ष डा. बाबुराम भराईले भारतीय माओवादीहरूले सरकारसित नि:षर्त वार्ता गनु‍र्पर्ने बताएका छन् । यो अभिव्यक्ति सीताराम येचुरीसितको भेटघाटको ‘साइड इफेक्ट’ त होइन ? राजनीतिक क्षेत्रमा आषङ्का गरिएको छ ।

सहकार्यका लागि ६ एजेण्डा

काठमाडौँ । नेपाली काङ्ग्रेस र नेकपा एमाले ले सरकार परिवर्तनको चर्चा चलिरहेको बेलामा माओवादीसँग सहकार्य निम्ति ६ बुंदे एजेण्डा राखेका छन् । काङ्ग्रेस संसदीय दलको कार्यालयमा िसंहदरबारमा सोमबार बसेको दुई दलको संयुक्त बैठकले उच्चस्तरीय राजनीति संयन्त्रको बैठकमा सरकार परिवर्तनबारे छलफल चलाउँनुभन्दा पूर्व १२ बुंदे सहमतिदेखिका सबै सहमति कार्यान्वयन गर्नुपर्ने सर्त राखेका छ । जसमा शान्ति-सम्झौताको समीक्षा गर्नुपूर्व व्यक्तिगत घरजग्गा तथा सम्पत्ति फिर्ता गर्नुपर्ने दलहरुबीच विश्वासको वातावरण बनाउँनुपर्ने राजनीतिक गतिरोध अन्त्य गर्नुपर्ने माओवादी लडाकु व्यवस्थापन पुनस्र्थापना तथा समायाँेजन गर्नुपर्ने र संविधानसभामा भएका मतभेद अन्त्य गर्नुपर्नेलगायतका एजेण्डा रहेका छन् । दुई दलको संयुक्त बैठकमा माओवादीले िहंसात्मक राजनीति छोड्नुपर्ने १४ जेठमा संविधान निर्माण नभए जनविद्रोह गर्ने धम्कीको मात्र बोल्न छोड्नुपर्ने निस्कर्ष पनि निकालिएको बताइएको छ ।
उच्चस्तरीय संयन्त्रको बैठकमा समाज धारणा बनाउनका निम्ति सोमबार काङ्ग्रेस-एमालेको संयुक्त बैठक बसेको हो । एमाओवादीले संविधानको निर्माणको निम्ति माओवादीको नेतृत्वमा सरकार गठन हँुनुपर्ने बताएको छ । नागरिक सर्वोच्चताको नारा उछालेर थालेको एमाओवादीले राष्ट्रिय स्वाधीनताको आन्दोलनलाई पनि सरकारमा जाने कुरासँग जोडेर हेरिरहेको छ । यद्यपि एमाओवादीका अध्यक्ष प्रचण्डले सोमबार शक्तिखोरको प्रशिक्षणमा सरकार प्राथमिकता होइन भनेका छन् । उच्चस्तरीय संयन्त्रमा सरकार परिवर्तनको कुरा बारम्बार भइरहेका छन् । यसैबीचमा सरकारको नेतृत्व गरिरहेको एमालेले सरकार परिवर्तनसहित सबै विकल्प खुला राख्ने निर्णय गरेको छ  ।
एमाओवादीका अध्यक्षले नेका सभापति गिरिजाप्रसाद कोइरालालाई प्रधानमन्त्रीको निम्ति प्रस्ताव गरेको चर्चा समाचार माध्यमहरुको बीचमा गरेका छन् । एमाओवादी केन्द्रीय समितिको बैठकले अध्यक्ष पुष्पकमल दाहाल ँप्रचण्ड’ लाई नै प्रधानमन्त्रीको रुपमा प्रस्ताव गरेका छन् ।
माओवादीले १२ बुंदे सहमति विस्तृत शान्ति सम्झौतालगायतमा गरेका प्रतिबद्धतालाई पनि कार्यान्वयन गरेको छैन । यसपटक काङ्ग्रेस र एमाले संयुक्तरुपमा अगाडि सारेका ६ बुंदे एजेण्डा पनि कार्यान्वयन हँुने सम्भावना क्षीण रहेको छ ।

तीन दलबीच छलफल सुरु

काठमाडौँ । राजनीतिक गतिरोध अन्त्य गर्न तीन दलले प्याकेजमा सहमति गर्न छलफल सुरु गरेका छन् । तीन दलका शीर्ष नेताबीच मङ्गलबार सहमतिका लागि छलफल भएको हो । ललितपुरको गोदावरीमा झण्डै ६ घण्टा बसेको वैठकमा विश्वासको वातावरण कम गर्ने विषयमा सकारात्मक रुपमा छलफल अघि बढेको दलहरुले बताएका छन् तर वार्तामा ठोस सहमति भने हुन सकेको छैन ।
मङ्गलबारको बैठकमा संयन्त्रका संयोजक काङ्ग्रेस सभापति गिरिजा प्रसाद कोइराला बाहेक शीर्ष नेता कार्यदलका सदस्यहरु र अन्य नेताहरुको पनि उपस्थिति थियो ।

तीन बुँदे सहमित

काठमाडौँ । खाना पकाउँने ग्यासको बिक्री बितरण बन्द गरेर ५ दिनदेखि आन्दोलन गर्दै आएका ग्यास उद्योगी र बिक्रेतासँग आयल निगमले ३ बुदे सहमती गरेको छ । सहमती भएपछि ब्यवसायीहरुले आफनो आन्दोलन फिर्ता लिएका छन् ।
मङ्गलबार भएको बार्तामा मागअनुसार मासिक १७ हजार मेटि्रक टन ग्यास आयात गर्ने आयल निगमले लिखित प्रतिबद्धता जनाएपछि आपुूहरुको आन्दोलन आजैदेखि फिर्ता भएको ग्यास बिक्रेता महासङ्घका अध्यक्ष ज्ञानेश्वर अर्यालले बताउँनुभयो । यसैगरी आयल निगमलाई सार्वजनिक निजी साझेदारीअन्र्तगत निजी क्षेत्रलाई सहभागी बनाउन थालिएको प्रकृया १ वर्षलाई स्थगित गर्ने सहमती भएको अर्यालले बताउँनुभयो । आन्दोलन फिर्ता भएपछि भोलिदेखि नै ग्यासको बिक्री-बितरण सुरु हँुने ब्यवसायीहरुले बताएका छन् तर ५ दिनदेखि आयात पनि रोकिएकाले भारतबाट ग्यास आयात गर्न अझै ४ दिनजति लाग्ने भएकाले बजारमा पर्याप्त ग्यास पाउन भने अझै केही दिन लाग्नेछ ।

पासपोर्ट छपाईमा भ्रष्टाचारको खेल

काठमाडौँ । परराष्ट्रमन्त्री सुजाता कोइराला सार्वजनिक लेखा समितिको निर्देशन विपरित पासपोर्ट भारतीय सरकारी कम्पनीबाट नै छपाई गर्ने अन्तिम निर्णयमा पुगेकी छिन् । समयावधिमा पासपोर्ट छपाई नभए नेपालको अन्तर्राष्ट्रिय छवी खराब हँुने बताउँदै उनले त्यसको मुख्य दोष मुख्य मुख्य सचिव माधवप्रसाद घिमिरे र प्रधानमन्त्री माधवकुमार नेपाललाई नै दिने गरेकी छिन् । टेण्डर प्रकि्रयाबाट एमआरपी मेसिन रेडिबल पासपोर्ट दिने सहमतिको निर्णय हुन सकेको छैन । भारतीय सरकारी कम्पनीले नै नेपाली पासपोर्टको छपाई गरेमा त्यसको दुरुपयोग हुन सक्ने अनुमान राजनीतिक विश्लेषकहरुले गरेका छन् । यता मलेसिया र इण्डोनेसिया कम्पनीले पास्रपोर्ट छपाईको निम्ति एमआरपी छपाईको ठेक्का लिन खोजेका थिए । सुजाता कोइराला गत शनिबार १४ दिने लामो भ्रमणमा लागेकी छन् । पासपोर्ट छपाईको निम्ति भारतलाई नै दिने परराष्ट्रमन्त्री सुजाता कोइरालाको एकल निर्णयमा गम्भीर षडयन्त्र भइरहेको छ । भारतले चार अमेरिकी डलरमा प्रति-पासपोर्ट छपाउँने प्रस्ताव गरेको छ तर प्रेुन्च कम्पनी ओभरथियरले २ डलरमा सोही गुणस्तरको पासपोर्ट छपाई प्रस्ताव राखेको छ । मलेसिया कम्पनी हाइटेक पाइवरहाडले ३।७५ डलरमा छाप्न सकिने प्रस्ताव राखेको छ । यस कम्पनीले अन्तर्राष्ट्रिय नागरिक उडड्यन सङ्गठन आइकाओ तोकेको समय अवधिमा ५० लाख पासपोर्ट छपाइदिने प्रस्ताव माघ २६ गते नै राखेको थियो । प्रुेन्च कम्पनीको दिएको प्रस्तावभन्दा भारतीय सरकारी कम्पनीको प्रस्ताव दोब्बर महङ्गो रहेको छ । भारतीय सरकारी कम्पनीलाई नै पासपोर्ट छपाईका निम्ति दिइँनुलाई पनि ठूलो रकम भ्रष्टाचार निम्ति षडयन्त्र भइरहेको आशङ्का गरिएको छ ।
यसमा आर्थिक भ्रष्टाचार नियत लुकेको छ । यसका साथै पासपोर्टजस्तो संवदेनशील विषय भएकाले छिमेकी मुलुकलाई नै त्यसको छपाईको निम्ति ठेक्का दिदा त्यसले ठूलो समस्या सिर्जना हुन सक्दछ । नेपालको परराष्ट्र सुरक्षा कब्जा गर्ने दाउमा रहेको भारतलाई नै पासपोर्ट छपाई जिम्मा दिदा त्यसले गम्भीर स्थिति सिर्जना गर्ने निश्चित छ । परराष्ट्र मन्त्री सुजाता कोइरालाले संसदको सार्वजनिक लेखा समितिले टेण्डर प्रकि्रयाबाट नै एमआरपी छपाउन दिएको निर्णयलाई खारेज गर्दै पनि एक्लैले चुनौती दिएकी छिन् । विगतमा भारतसँसो चिसो रहेको सम्बन्ध पनि कोइराला पासपोर्टको छपाई भारतबाट नै गराएर भारतसँग सम्बन्ध सुधार गर्ने दाउ पनि रहेकी छिन् । नेपाली काङ्ग्रेसका सभापति गिरिजाप्रसाद कोइराला सुपत्री यसभन्दा अगाडि पनि कैयौँ भ्रष्टाचारका काण्डमा विवादित रहेकी थिइन् । धमीजाकाण्ड लाउडा प्रकरणमा भ्रष्टाचार काण्डमा बदनाम सुजाता कोइरालाले नेपाल वायुसेवा निगमको डुबाउन पनि महत्वपूर्ण भुमिका निर्वाह गरेको बताइन्छ ।

फेरी गोली प्रहार

काठमाडौँ । चितबनको भरतपुर मेडिकल कलेजका अध्यक्ष नरेन्द्र कीसन पम्पाटी चडेको गाडीमा काठमाडौँको रानीबारीमा गोली प्रहार भएको छ । रानीबारीमा रहेको आफ्नो घरतर्फ जादै गरेका पम्पाटी चडेको गाडीमा पल्सर मोटरसाईकलमा आएका २ जना ब्यक्तिले गोली हानेर फरार भएको प्रहरी जनाएको छ । उहाँलाई भने गोली लागेको छैन् । पम्पाटी अहिले आफ्नै घरमा रहेको प्रहरी जनाएको छ । घटनास्थल जमिम शाहको हत्या भएको ठाउँबाट २ सय मिटरमात्र टाढा हो । अहिले काठमाडौँका सबै क्षेत्रमा चेकजाँच कडाई गरिएको प्रहरी प्रबक्ता विज्ञानराज शर्माले बताउँनुभयो ।