हाम्रोबारेमा

यो साइट संसारभरी छरिएर रहेका नेपालीहरुको साझा मञ्च हो । त्यसो त यसलाई विश्वभरीका जनताको साझा मञ्च बनाउँने हाम्रो प्रयत्न रहनेछ तर तत्काल हाम्रो मुख्य जोड विभिन्न कारणले विश्वका कुनाकाप्चामा रहेका नेपालीहरुलाई एकै ठाउँमा ल्याउने हुनेछ । हामीले नेपालका राष्ट्रियस्तरका समस्याबारे बढी–भन्दा–बढी प्रकाश पार्ने प्रयत्न गर्नेछौं । त्यसका साथै नेपालको प्रजातान्त्रिक, वामपन्थी र क्रान्तिकारी कम्युनिष्ट आन्दोलनसित जोडिएका राजनीतिक, वैचारिक समस्याहरुमाथि पनि प्रकाश पार्न उत्तिकै प्राथमिकता दिनेछौं । आन्दोलनसित जोडिएका समाचार, फिचरहरूलाई लगातार अवडेट गर्ने हाम्रो प्रयत्न रहनेछ । त्यसका अतिरिक्त भारतमा नेपालीहरुले भोग्नुपरेका समस्याहरुबारे बढी–भन्दा–बढी सामग्रीहरु दिने, उनीहरुका सामाजिक, राजनैतिक, साँस्कृतिक कृयाकलापहरुबारे सूचना प्रेषित गर्न पनि हामी उत्तिकै प्रयत्न गर्नेछौ । अन्तर्राष्ट्रिय तहका समस्या, विश्व कम्युनिष्ट आन्दोलन, त्यसका वैचारिक समस्याहरुबारे पनि सक्दो सामग्री उपलब्ध गराउनेतफ‍र् हाम्रो प्रयास रहनेछ । ती सबैका अतिरिक्त प्रगतिशील साहित्य, सङ्गीतसित जोडिएका सूचना, विचार संप्रेषण गर्नेतफ‍र् पनि हाम्रो ध्यान जानेछ । महिला, दलित, जनजातिहरुका प्रश्नलाई समेत स्थान दिन हाम्रो नीति रहनेछ । त्यसो भन्नुको अर्थ विश्वका अन्य भागमा रहेका नेपालीहरुको उपेक्षा गनु‍र् कदापि होइन । हामीले संभव सबै विकल्पहरूको प्रयोग गरेर विश्वभरी रहेका नेपालीहरुका समस्याहरुबारे बढी–भन्दा–बढी आवाज उठाउने, उहाँहरुका आवाजहरुलाई वाणी दिने प्रयत्न त गर्नेछौं नै, त्यसका साथ साथै माथि उल्लेख गरिएका विभिन्न विषयहरूमा उहाँहरूको प्रतिक्रिया जान्ने, उहाँहरुसित छलफल अन्तक्रिया गर्ने प्रयत्न पनि हामीले गर्नेछौ । त्यसो गनु‍र्को तात्पर्य यो हो कि मातृभूमिबाट टाढा रहेपनि आफ्ना देशका समस्याहरुबारे उहाँहरुलाई बढी सजग, सचेत गर्न सकियोस् ।
हुन त आजको युग सूचना सम्राज्यको युग हो । विश्वको कुनै पनि कुनामा बसेपनि एउटा बटन दबाएर हजारौं–लाखौं सूचाना प्राप्त गर्न सकिन्छ । ती सूचनाहरु आफैमा सान्दर्भिक, सत्य, वैज्ञानिक र क्रान्तिकारी हुन्छन् भनेर दाबी गर्न सकिन्न । कम–से– कम नेपाली भाषाका सन्दर्भमा त त्यो सत्य हो । त्यसप्रकारको आवश्कताको महसूश गरेर नै पाँच वर्षपहिले सन् अप्रैल 24, 2001 देखि भारतबाट हामीले विश्व नेपाली साप्ताहिक शुरुवात गरेका थियौं । जुन अहिलेसम्म निरन्तर प्रकाशित भैरहेको छ र भारतका सबै राज्य, नेपाल, मलेशिया, हङकङ, अरबको खाडी, बहराइनलगायत संसारभरि नै जाने गरेको छ । यो साइट मूलरुपमा त्यसैको इन्टरनेट संस्करण नै हो । तर इन्टरनेटको विश्वव्यापी पहुँच, तीब्रता र व्यापकतामाथि ध्यान दिदै हामीले यसलाई अन्तक्रियात्मक मञ्चसमेतका रुपमा प्रस्तुत गर्ने जमर्को गरेका छौं । हाम्रो त्यसप्रकारको प्रयत्नले विश्वभरी छरिएर रहेका देशभक्त, प्रजातान्त्रिक, वामपन्थी र क्रान्तिकारी नेपालीहरुलाई आफ्ना समस्या, विचार, प्रतिभा, भावना पोख्ने चौतारी प्रदान गरेर थोरै भएपनि सहयोग पुयाउने सक्यो भने हामीलाई खुशी लाग्नेछ ।