तपाई पढ्दै हुनुहुन्छ ताजा समाचार

सङ्घीयताका विरुद्ध अन्तकिर््रया सम्पन्न

काठमाडौँ । काठमाडौँमा सङ्घीयताका विरुद्धमा अन्तकिर््रया कार्यक्रम सम्पन्न गरिएको छ । सङ्घीयताविरुद्ध राष्ट्रिय अधिवेशन आयोजक समितिको आयोजनामा सो अन्तकिर््रया कार्यक्रम सम्पन्न भएको हो । अन्तकिर््रयामा समितिका संयोजक तथा राष्ट्रिय जनमोर्चाका अध्यक्ष चित्रबहादुर केसीले ूनयाँ संविधान र राज्यको पुनस्रंरचनाू विषयक अवधारणा-पत्र प्रस्तुत गर्नु भएको थियो । कार्यक्रमका प्रमुख अतिथिसमेत रहनुभएका केसीले अवधारणा-पत्रमाथि उठेका विभिन्न प्रश्नहरुको जवाफ दिदै देशको राष्ट्रिय अखण्डतालाई बचाउँने हो भने सङ्घीयता खारेज गर्नुपर्नेमा जोड दिनुभएको थियो ।
सङ्घीयताका पक्षमा रहेका ठूला दलहरुमा आत्मबल हराउँदै गएको चर्चा गर्दै उक्त अवसरमा नेता केसीले भन्नुभयो- ूसंविधानसभाभित्रका ठूला दलहरुमा सङ्घीयताको पक्षमा आत्मबल देखिदैन । उनीहरुले भेट हुँदा सङ्घीयताविरोधी आन्दोलन कहाँ पुग्यो भनेर सोध्ने गर्छन् । त्यो भनेको आन्दोलन चर्किएर जाओस् र सङ्घीयता खारेज गर्न पाइयोस् भन्ने नै हो ।ू निर्धारित मिति ०६७ जेठ १४ मा संविधान जारी गर्नुपर्नेमा जोड दिदै संयोजक केसीले भन्नुभयो- ूसङ्घीयतामा हाम्रो असहमति रहे पनि संविधान बेलैमा बन्नुपर्छ ।ू उहाँले सङ्घीयताको पक्षमा नेपाली जनता नरहेको दावी गर्दै जवरजस्ती लादिएको चीज धेरै दिन नटिक्ने बताउँनुभयो । ँवास्तवमा सङ्घीयताको पक्षमा नेपाली जनता छैनन् । यो केही मान्छेहरुले लादेका हुन् । यो लदाई धेरै दिन टिक्नेवाला छैन ।ू अध्यक्ष केसीको भनाई थियो ।
अवधारणामाथि टिप्पणी गर्दै नेपाली छापा माध्यम राष्ट्रिय साजालका अध्यक्ष देवप्रकाश त्रिपाठीले नेपाल राष्ट्र जोगाउनका लागि हरेक देशभक्तहरु सङ्घीयताविरोधी अभियानमा खुलेर लाग्नुपर्ने बताउँनुभयो । उहाँको भनाई थियो- ूहामी डराएर बस्ने हो भने अब नेपाल रहँदैन ।ू देश कसरी बचाउँने भन्ने प्रश्न नै अहिले मुख्य रहेको चर्चा गर्दै अध्यक्ष त्रिपाठीले मुलुकलाई हचुवाको भरमा सङ्घीयतामा लैजानेहरुले जारी गर्ने संविधान विखण्डनकारी हँुने दावी समेत गर्नुभयो । उहाँले सङ्घीयताविरुद्ध राष्ट्रिय अभियानको नाम सकारात्मक सन्देश दिने खालले राष्ट्रिय अखण्डता रक्षा अभियान यस्तै राख्नसमेत सो अवसरमा सुझाव दिनुभएको थियो ।
जलस्रोतविद् रत्नसंसार श्रेष्ठले सङ्घीयताको सैद्धान्तिक पाटोको आफू विरोधी नभएको जनाउँदै अँध्यारो कोठामा बसेर अन्तरिम संविधानमा संशोधन गरी ल्याइएको सङ्घीयता आफूलाई स्वीकार्य नभएको स्पष्ट पार्नुभयो । आफू काठमाडौँकै स्थायी बासिन्दा नेवार भएतापनि नेवा राज्य आफूलाई स्वीकार्य नभएको बताउँदै उहाँले भन्नुभयो- ूम पहिला नेपाली हुँ अनिमात्र नेवार । नेपाललाई युगोस्लाभियामा लाने गरी मलाई नेवा राज्य चाहिएको छैन ।ू नेपालको सन्दर्भमा सङ्घीयता लागु गर्नैनहँुने उहाँको थप भनाई थियो ।
अवधारणा-पत्रमाथि टिप्पणी गर्दै क्षेत्री समाजका सह-अध्यक्ष कुमारबहादुर थापाले आफू दुई जातमा मात्र विश्वास राख्ने व्यक्ति भएको जनाउँदै शोषक र शोषित सबै जातिमा रहेको बताउँनुभयो । सङ्घीयताका कारण चार वर्ण छत्तिस जातको फुलबारीमा फुलहरु चुँडिएर कुन फुल कतातिरको बारीमा पर्ने हो त्यस्को कुनै ठेगान नभएको उहाँले बताउँनुभयो । भुमिसुधारसम्बन्धी नीतिबाहेक अवधारणा-पत्रमा उठाइएका अन्य सम्पूर्ण विषयमा आफ्नो समर्थन रहेको खड्काको भनाई थियो । राजमोको राजनैतिक लाइनको प्रशंसा गर्दै उहाँले भन्नुभयो- ूमेरो दृष्टिमा चित्रबहादुर केसी राष्ट्रवादी नेता र राष्ट्रिय जनमोर्चा राष्ट्रवादी पार्टी हो ।ू
एमालेका पूर्व सांसद वीरबहादुर िसंहले सङ्घीयता नेपालका लागि अनुपयुक्त भएपनि मुलुक सङ्घीयतामा गइसकेकाले अब फर्किन मुश्किल रहेको विचार व्यक्त गर्नुभयो ।
नेपाल बार एसोशिएसनको सभाहलमा फागुन १५ मा सम्पन्न उक्त अन्तकिर््रया कार्यक्रममा नेपाल पत्रकार महासङ्घका पूर्व अध्यक्ष विष्णु निष्ठुरी र चर्चित स्तम्भकार सौरभको पनि आतिथ्यता रहेको थियो ।
कार्यक्रमको अध्यक्षता सङ्घीयताविरुद्ध राष्ट्रिय अधिवेशन तयारी समितिका सदस्य भैरव रेग्मीले गर्नुभएको थियो भने साचालन राजमो उपाध्यक्ष मनोज भट्टले गर्नुभएको थियो । कार्यक्रममा उपस्थित सम्पूर्णलाई आयोजक समितिका तर्फबाट गोविन्दिसंह थापाले मन्तव्यद्वारा स्वागत गर्नुभएको थियो ।

महामन्त्री िसंह भेटघाटमा

काठमाडौँ । नेकपा मसाल का महामन्त्री मोहनविक्रम िसंह र राजमो अध्यक्ष चित्रबहादुर केसी तथा विद्यार्थी सङ्गठनहरुका वर्तमान तथा पूर्व नेताहरुका बीचमा भेटघाट तथा अन्तकिर््रया कार्यक्रम सम्पन्न भएको छ । अखिल छैटौँ को आयोजनामा मङ्गलबार काठमाडौँमा सो कार्यक्रम सम्पन्न भएको हो ।
भेटघाट तथा अन्तकिर््रयामा बोल्दै महामन्त्री िसंहले नेपालको प्रजातान्त्रिक तथा जनतान्त्रिक सङ्घर्षहरुमा विद्यार्थी वर्गले खेलेको भुमिकाको प्रशंसा गर्दै परिवर्तनका संवाहक विद्यार्थीहरु अब राष्ट्रिय अखण्डताको रक्षाको लडाईमा लाग्नु पर्ने बताउँनुभयो । मुलुक सङ्घीय प्रणालीमा गएमा देशको राष्ट्रिय अखण्डता खण्डित हुन सक्ने बताउँदै महामन्त्री िसंहले सङ्घीयताविरोधी अभियानमा जुट्न पनि विद्यार्थी नेताहरुसँग आह्वान गर्नुभएको थियो । भेटघाट तथा अन्तकिर््रयामा बोल्दै राजमो अध्यक्ष चित्रबहादुर केसीले निर्धारित मिति ०६७ जेठ १४ मै नयाँ संविधान जारी गर्नका लागि दलहरुलाई दबाब दिन विद्यार्थीहरु सँग आह्वान गर्नुभएको थियो ।
सहभागी विद्यार्थी नेताहरुले राष्ट्रिय अखण्डताको पक्षमा नेकपा मसाल र राष्ट्रिय जनमोर्चाले चलाएको अभियानको खुलेर प्रशंसा गरेका थिए । अन्तकिर््रयामा जातीय सङ्घीयतामा गए मुलुकमा जातीय द्वन्द्व बढ्ने हुँदा त्यसलाई दृढतापूर्वक अस्वीकार गर्नुपर्नेमा सबैको मतैक्यता रहेको थियो । छलफल ँनयाँ संविधान र राज्यको पुनस्रंरचना’ विषयमा केन्द्रित रहेको थियो ।
भेटघाट तथा अन्तकिर््रया कार्यक्रममा विद्यार्थी नेताहरु अखिल छैटौँ का पूर्व अध्यक्ष हिमलाल पुरी र कृष्ण अधिकारी अनेरास्ववियुका अध्यक्ष ठाकुर गैरे तथा वर्तमान अध्यक्ष रामकुमारी झाँक्री र महासचिव माधव ढुङ्गेल नेपाल विद्यार्थी सङ्घका पूर्व अध्यक्ष गुरु घिमिरे तथा वर्तमान अध्यक्ष प्रदिप पौडेल र पूर्व विद्यार्थी नेताहरु चन्द्र भण्डारी लक्ष्मी पाण्डे र किरण पौडेल नेपाल क्रान्तिकारी विद्यार्थी सङ्घका पूर्व अध्यक्ष नारायण कोजु अनेरास्ववियु पाँचौँका पूर्व अध्यक्ष ओम अर्याल तथा वर्तमान अध्यक्ष भास्कर काफ्ले र नेपाल राष्ट्रिय विद्यार्थी फेडरेसनका अध्यक्ष पदम जोशीलगायत सहभागी रहनुभएको थियो । अन्तकिर््रया कार्यक्रमको साचालन अखिल छैटौँ का अध्यक्ष दुर्गा शर्माले गर्नुभएको थियो ।

जनवादी युवा सङ्घको सम्मेलन तयारी पूरा

बुटवल । चार दिनपछि बुटवलमा सुरु हँुने अखिल नेपाल जनवादी युवा सङ्घको पाँचौँ राष्ट्रिय सम्मेलनको तयारी पूरा भएको सो सङ्गठनले जनाएको छ । सम्मेलनको मिति नजिकिदै जाँदा बुटवलमा युवा सङ्घको चहलपहल पनि बढ्दै गएको छ । यतिखेर बुटवल युवामय भएको छ । जनवादी युवा सङ्घका नाराहरुले जताततै भित्ताहरु रङ्गिएका छन् पोष्टरहरु टाँसिएका छन र सम्मेलनको प्रचार गर्दै तुल व्यानरहरु झुण्डाइएका छन् । ठाउँ-ठाउँमा स्वागत द्वारहरु पनि बनाइएका छन् ।
सम्मेलनको फागुन २३ गते बुटवल बहुमुखी क्याम्पसको प्राङ्गणमा राष्ट्रिय जनमोर्चाका अध्यक्ष तथा सभासद् चित्रबहादुर केसीले उद्घाटन गर्नु हँुनेछ । जनवादी युवा सङ्घका अध्यक्ष काशीनाथ पोख्रेलले दिनुभएको जानकारीअनुसार सम्मेलनलाई राष्ट्रिय जनमोर्चाका महासचिव डिलाराम आचार्य रक्तिम सांस्कृतिक अभियानका अध्यक्ष तथा प्रसिद्ध जनगायक जीवन शर्मालगायत स्वदेश र प्रवासका गरी दर्जनौँ भाइचारा सङ्गठनहरुका प्रतिनिधिहरुले पनि सम्मेलनलाई सम्बोधन तथा सफलताको शुभकामना दिनेछन् ।
सम्मेलन उद्घाटन पूर्व देशभरीबाट आएका हजारौँ युवाहरुले एउटै डे्रसमा मार्चपाससहित जुलुश प्रदर्शन गर्नेछन् । जुलुसमा नेपालका विभिन्न संस्कृतिमा आधारित झाँकीहरु पनि प्रदर्शन गरिने कार्यक्रम रहेको युवा सङ्घले जनाएको छ । उद्घाटन सत्रमा रक्तिम सांस्कृतिक अभियानको केन्द्रीय टोलीले पनि आफ्नो सांस्कृतिक प्रस्तुति दिनेछ । पाँचौँ राष्ट्रिय सम्मेलनकै अवसरमा युवा सङ्घले रक्तदान तथा वतृत्वकला प्रतियोगिता पनि राखेको छ । २३ गते उद्घाटन सत्र समापन भएपछि हाटबजारस्थित कान्ती माविमा सम्मेलनको बन्द सत्र सुरु हँुनेछ । बन्दसत्रमा विभिन्न जिल्लाहरुबाट चुनिएर आएका झण्डै सात सय प्रतिनिधि पर्यवेक्षकहरुले भाग लिनेछ । सम्मेलनको समापन २५ फागुनमा हँुनेछ ।
सम्मेलनको प्रचार प्रसारका लागि युवा सङ्घले केन्द्रीयस्तरबाट नै एक टोली महिनादिन अघिदेखि बुटवल क्षेत्रमा परिचालित गरिरहेको छ । टोलीले पोष्टरीङ वालपेन्टिङ पर्चा वितरण र आर्थिक सङ्कलनलगायतका कामहरु गरिरहेको छ । सम्मेलनमा आउँने अतिथि प्रतिनिधि पर्यवेक्षक र दर्शकहरुको स्वागतार्थ औद्योगिक क्षेत्र र पुष्पलाल पार्कमा दुईवटा स्वागत द्वारहरु पनि निर्माण गरिएका छन् ।
युवा सङ्घले यस सम्मेलनमा समयमै जनपक्षीय संविधान निर्माण र सङ्घीयता खारेजीको मुद्दालाई विशेष प्राथमिकताका साथ उठाएको छ । सम्मेलनको मूल नारा नै युवा सङ्घले ूअग्रगामी संविधान निर्माण र आमूल परिवर्तनका लाग व्यापक युवा शक्तिको परिचालन गणतन्त्रको सुदृढीकरण राष्ट्रियताको रक्षा र सङ्घीयताका विरुद्ध पाँचौँ राष्ट्रिय सम्मेलनू तय गरेको छ ।
नेपालको जनतान्त्रिक र वामपन्थी आन्दोलनमा विशेष भुमिका खेल्दै आएको अखिल नेपाल जनवादी युवा सङ्घको यस सम्मेलनलाई राजनैतिक वृत्तमा निकै चासोपूर्वक हेरिएको छ । उग्रवामपन्थी र दक्षिणपन्थी भड्कावका विरुद्धमा सम्झौताहीन सङ्घर्ष गर्दै क्रान्तिकारी राजनैतिक विचारको पक्षमा दृढतापूर्वक उभिदै आएको जनवादी युवा सङ्घले यस सम्मेलनपश्चात् अझै सशक्त कार्यक्रम ल्याउँने अपेक्षा राखिएको छ ।